User Trust Levels Requirements and Benefits [Full Guide]


(Jumedeen khan) #1

Discourse forum me by default all users ka Trust Level 0 hota hai. Lekin bahut kam user jante hai ki ye kya hai. Is post me main trust level 0 to trust level 4 tak ke bare me details se btaunga ki ye kya hai, isse kya fayda hai aur higher trust level kaise paye.

Trust Level Kya Hai Aur Higher Trust Level Kaise Paye?

Actually, discourse forum me users ko trust level ke according permission de jati hai ki konsa user kya kya kar sakta hai. Total trust level 5 hote hai.

  1. Trust Level 0 = New
  2. Trust Level 1 = Basic
  3. Trust Level 2 = Member
  4. Trust Level 3 = Regular
  5. Trust Level 4 = Leader

Forum members ko permission ke according name category me rakha gaya hai.

  • Visitor β†’ Novice β†’ Regular β†’ Leader β†’ Elder

Ise aap is screenshot example se behtar tarike se samajh sakte hai.

Aap is way se level to level progress kar sakte hai aur ek din forum leader yani admin bhi ban sakte hai.

  • 0 (New) β†’ 1 (Basic) β†’ 2 (Member) β†’ 3 (Regular) β†’ 4 (Leader)

Aapke work and activity ko dekhte huye aapko forum admin ya moderator bana diya jyaega. Because ye hum sabka forum hai.

Ab main aapko btata hu ki trust level increase kaise kare aur kis trust level user ko kya kya permissions hai.

1. TL0 - (New)

Jab koi user new account create kar forum join karta hai to uska trust level 0 hota hai. Is level users ke liye kuch limits hoti hai.

Trust level user ye sab nahi kar sakta

  1. Other user ko private message send nahi kar sakta.
  2. Post me 2 se jyada hperlink add nahi kar sakta.
  3. Post me 1 se jyada image add nahi kar sakta.
  4. Kisi post ko flag nahi kar sakta.
  5. Apni profile me website link add nahi kar sakta.
  6. 2 se jyada users ko mention nahi kar sakta.
  7. New topics par reply nahi kar sakta.
  8. Koi bhi attachment post nahi kar sakta.

2. TL1 - (Basic)

Jab ko user forum join karne ke bad kuch posts ko read karta hai to system use basic user list me add kar deta hai.

Trust Level 1 Pane Ka Tarika:

  1. Minimum 5 topics entry kare.
  2. Minimum 30 comments read karna.
  3. Minimum 10 minutes post read karna.

Trust Level 1 User Kya Kar Sakta Hai?

  1. Form ke all features ka istemal kar sakta hai. Matlab TL1 wale users ke liye forum use karne ki koi limit nahi hai.

3. TL2 - (Member)

Ye wo forum user hote hai jinhone kafi time se forum join kiya hua hai aur complete citizen ke liye is par aate rahte hai.

Trust Level 2 Pane Ka Tarika:

  1. Minimum 15 din forum par visit kare.
  2. Minimum 1 like paye.
  3. Minimum 1 like kare.
  4. Minimum 3 different topics par reply kare.
  5. Minimum 20 topics me entry kare.
  6. Minimum 100 post padhna.
  7. Minimum 60 minutes tak post read karna.

Trust Level 1 User Kya Kar Sakta Hai?

  1. Post me other users ko invite kar sakta hai.
  2. Outside users ko invite kar sakta hai.
  3. Daily 1.5 x ke sath like kar sakta hai.

3. TL3 - (Regular)

Ye wo user hota hai jo log time se forum par active rahta hai. Aese users ko reliable contributor kaha jata hai kyuki inke pa normal user se jyada permissions hoti hai.

Trust Level 3 Pane Ka Tarika:

Last 100 days me se aapke pas ye sab hona chahiye.

  1. Minimum 50% days visit kare.
  2. Minimum 10 topics par reply kare.
  3. Last 100 day me create topics me se 25% (max 500) topics dekhna.
  4. Last 100 days me create post me se 25% (max 20k) padhna.
  5. 20 Like pana aur 20 like dena.
  6. 5 se jyada spam and offensive flag nahi milne chahiye. (inique post and unique user hona chahiye jise moderator confirm kar chuka ho.)
  7. Account suspended nahi hona chahiye.

Trust Level 1 User Kya Kar Sakta Hai?

  1. Topics name and category change kar sakta hai.
  2. Content ko trust level 3 aur highe level ke liye private kar sakta hai.
  3. Links ko nofollow kar sakta hai.
  4. TL0 user ki flagged post ko hide kar sakta hai.
  5. Flagged user ko silence aur uski sabhi posts ko hide kar sakta hai.
  6. Apni khud ki post ko wiki bana sakta hai. (Jise koi bhi TLS1+ user edit kar sake.)
  7. Ek normal user ki tulna me daily 2x speed se like kar saktahai.

Ye permission ek contributor ki hoti hai so jo bhi trust level 3 prapt kar le use chahiye ki wo iska sahi istemal kare. Permission ka galat istemal karne se trust level loss ho sakta hai.

Aap is forum ke reliable contributor ho so spelling mistake and other issue wale titles ko edit kar forum ko aur behtar banane me humari help kar sakte hai.

4. TL4 - (Leader)

Ye privilege user hote hai jo forum par regular online rahte hai aur sabkuch dekhte hai. Matlab forum ke behtar tarike se manage karte hai.

Trust Level 4 Pane Ka Tarika:

Forum admin kisi bhi user ko manually TL4 yani leader bana sakta hai.

Is forum par aapke work and behavior ko dekhte huye aapko forum admin and contributor banaya ja sakta hai.

Trust Level 1 User Kya Kar Sakta Hai?

  1. All topics, posts ko edit kar sakte hai.
  2. Topic ko pin/unpin kar sakte hai.
  3. Topic ko close kar sakte hai.
  4. Topic ko archive kar sakte hai.
  5. Topic ko unlisted kar sakte hai.
  6. Topics ko split and merge kar sakte hai.
  7. Inki daily like limit 3x hoti hai.

Ye thi trust level 0 to trust level 4 tak level pane aur unki permissions ki jankari. Ummid karta hu aapko sabkuch samajh aa gaya hoga.

Is forum par trust level sabhi ke liye enable hai. Matlab koi bhi user trust level 0 to trust level 4 hasil kar sakta hai. Iske liye aapko forum par better work and behavior karna hoga.

Also read:

Agar aapka trust level se related koi bhi sawal ho ya fir aapko aur kuch puchna ho to comment me puch sakte hai.


SMI Forum Se DoFollow Backlink Kaise Milega
(Akash Yadav) #2

@iamjdk sir ye kaise pata kare ki ham category me aate hai?


(Jumedeen khan) #3

Aap Forum Badges par sabki details dekh sakte ho.


Blue tick badge kaise mil sakta hi mujhay?